嚐喜大不同特式餐廳小廚 (已結業)

同事话刚刚装修完, 不如去试下, 所以就一行八人去食lunch了。入到去, 格局无咩点变, 餐牌变咗少少, 都系午餐特餐之类, 多咗少少, 见到新的捞公仔面就试下啦, 点知........同事的午餐先后到齐, 唯独我的公仔捞面, 可能得我叫, 所以等鬼禁耐.....等咗好耐又好期待的公仔捞面终于出现了.....第一刻见到.... 中伏!先唔讲配料, 讲个公仔面先..... 味粉呢......少到呢.......  我只系食到得出前一丁味的公仔面味, 如果唔系见到几粒疑似公仔面中味粉的葱花既话, 我真系怀疑无葱花...... 跟住个鱼汤呢...... 我谂咗好耐咩汤, 又淡, 又无咩味, 如果唔系有好少好少既鱼味既话, 真系唔知咩汤....跟住个瑞士鸡翼....我完全睇唔出佢有边忽系瑞士....可能佢个肺系瑞士山区来, 所以系瑞士鸡翼挂..... 下次都系叫公仔面算了, 唔好搞乜野捞, 完全系捞唔起... 或者叫午餐算, 起码唔会中伏先。