影片
更多
2019-01-08
411 浏览
冬天饭局往往都不外乎系打边炉呀鸡煲呢d，而最近我就发现咗一样较特别嘅菜式。位于尖沙咀加拿分道嘅「黄记煌」，主打焖锅，有十几款唔同嘅选择，有海鲜有牛有鸡有猪，而每一款仲可以从三款传统秘制宫廷酱汁中拣一款，包括招牌咸鲜汁，香辣豉皇汁同埋香辣汁。今日我地拣嘅系「海鲜大军焖锅」，喜欢食辣嘅我地当然拣香辣汁啦。值得一赞嘅系店方提供两种唔同辣度嘅香辣汁，咁就可以迎合唔同口味嘅客人啦。落单之后，店员好快就为我地送上一个红色椭圆形嘅壶，里面装住唔同嘅材料，店员系我地面前慢慢逐层逐层咁打开，又精致又整齐地放系锅度，十足冬至时食到嘅盘菜咁。第一层蔬菜，有蒜头，红枣，洋葱，彩椒同埋红萝卜。第二层系海鲜，有白虾，红鱼柳，广岛蚝同埋墨鱼仔。第三层系我地选择嘅香辣酱。而最底果层系芫茜。锅里面嘅食物煮过后好快就食得，打开盖后更散发出阵阵香味，真系令人流晒口水。每件食材都挂上厨师炮制嘅辣汁，极有层次感，小辣嘅辣度对于喜欢食辣嘅我黎讲真系刚刚好，酱汁亦都带出左各款海鲜嘅鲜味，白虾同墨鱼仔相当弹牙，红鱼柳入口嫩滑，广岛蚝都相当爽口。随著烹调时间，酱汁会变得越来越杰，当我地食到七七八八时店员就帮我地加汤，开始打边炉啦。我地
位于尖沙咀加拿分道嘅「黄记煌」，主打焖锅，有十几款唔同嘅选择，有海鲜有牛有鸡有猪，而每一款仲可以从三款传统秘制宫廷酱汁中拣一款，包括招牌咸鲜汁，香辣豉皇汁同埋香辣汁。
今日我地拣嘅系「海鲜大军焖锅」，喜欢食辣嘅我地当然拣香辣汁啦。值得一赞嘅系店方提供两种唔同辣度嘅香辣汁，咁就可以迎合唔同口味嘅客人啦。
落单之后，店员好快就为我地送上一个红色椭圆形嘅壶，里面装住唔同嘅材料，店员系我地面前慢慢逐层逐层咁打开，又精致又整齐地放系锅度，十足冬至时食到嘅盘菜咁。
第一层蔬菜，有蒜头，红枣，洋葱，彩椒同埋红萝卜。
第二层系海鲜，有白虾，红鱼柳，广岛蚝同埋墨鱼仔。
第三层系我地选择嘅香辣酱。
而最底果层系芫茜。
锅里面嘅食物煮过后好快就食得，打开盖后更散发出阵阵香味，真系令人流晒口水。每件食材都挂上厨师炮制嘅辣汁，极有层次感，小辣嘅辣度对于喜欢食辣嘅我黎讲真系刚刚好，酱汁亦都带出左各款海鲜嘅鲜味，白虾同墨鱼仔相当弹牙，红鱼柳入口嫩滑，广岛蚝都相当爽口。随著烹调时间，酱汁会变得越来越杰，当我地食到七七八八时店员就帮我地加汤，开始打边炉啦。
我地选择嘅配料有香菇贡丸 ， 韭菜饺，油麦菜同埋红薯粉 ，值得一提嘅系呢度部分食物可以叫双拼，绝对适合想试多d野食胃口又唔大嘅朋友。
呢度有「许留山」嘅饮品提供，相信系有合作关系，食完辣野饮返杯香甜嘅「芒椰奶西」同埋「粒粒芒果爽」解辣，近乎完美嘅晚餐令到我地今晚感到非常满足。
张贴
