黃金燒味 (已結業)

朋友系湾仔番工，佢经过见到有间新开既烧味店，我就同左佢去，烧味系久不久就会想食的，始终是港式独有的味道。我地叫左个黄金四宝饭 $98，平时四宝饭系叉烧、鸡翼、红肠、咸蛋，呢个既招牌黄金四宝有黄金烧鹅、化皮乳猪、肥脓腩叉、酒香汾蹄，果然如别不同，每款烧味都有自己独有的酱料，点一点更好味，烧味好吃因为有肥膏，吃多有点腻，但配酒香汾蹄，可以解一解肥腻感。配老火汤及骨汤浸时蔬一碟，时蔬系蚝油生菜；另外可选白饭、河粉、濑粉、米粉、米线，我拣左米粉，粉配烧味其实都好夹，米粉的汤有点肉骨茶的味道，最后送热饮，冻饮/汽水+3，夏日特饮+$8，我就拣左夏日特饮既咸柠七。另外朋友拣左住家炖汤餐 $108，可以拣乳猪或烧鹅拼多一款烧味，佢就拣左乳猪同爽卤猪生肠，橙色既猪生肠真系超好味，冻食的份量都好多，佢就拣左配饭。呢个餐一样有配骨汤浸时蔬同汤，汤就有点不同系系淮山杞子螺头炖鸡汤，味道好浓，有桂圆肉既甜味，最后饮左柠檬利宾纳，个杯系钢，特别保冷。