咖啡灣 (荃灣千色匯) (已結業)

难得约旧同学饭聚，所以拣左呢间旺中带静嘅CAFE黎慢慢吹水倾偈。本身系约左八点食嘅，但大家都早到左而且见都要排两三枱先食得所以即刻攞位，以免等太耐。一入到去见食客大多系少女，顿觉自己都后生左几十年。要赞下呢度嘅餐牌，差不多全部都有图片以供参考，唔使估估下自己个order系点的。而且出黎嘅成品同图片相似度好高！而以下就系我地看图点餐嘅食物：原只软壳蟹黑松露意粉。真系原只上架！仲要炸得啱啱好，香脆，干身之余食落无咩油炸味。而忌廉松露酱好香，调味平衡。因为个酱汁份量啱啱好，食晒个意粉之后都无多余嘅汁或油留系盘子上。我地𠮶只仲要几多蟹膏添！鹅肝和牛巨人汉堡。牛肉整得好juicy，唔知系咪有剁埋啲牛筋同洋葱入去，所以食落几有咬口。配上块入回即溶嘅香煎鹅肝，口感好丰富。佢嘅鹅肝应该有用照烧鳗鱼汁去煎的，因为个味好似同埋好钟意呢度嘅连皮薯条，薯味重又够粉腍。可以多返几条就好了。绿茶鲜奶。完全系俾佢个外型吸引的。但估唔到味道都唔错啵，绿茶泡沫够浓，内里嘅牛奶少少甜，搅匀之后个味道啱啱好。柠檬蓝蝶花梳打。呢杯外型吸引之余，仲有得玩，加入瓶柠檬糖浆之后，睇住杯梳打慢慢由蓝转紫，都系几治愈的。饮落清新酸甜。