泰COOL (鴻圖道) (已結業)

终于放假可以同朋友食饭行街喇！我地晏就去左APM附近睇戏，夜晚就黎左呢度食泰国野😝因为时间尚早，场内未算太多人，但我地食到一半就已经爆场，所以会黎嘅朋友记得book枱！马拉盏杂菜粉丝煲 $88份量都几多，入面有菜有菇又有粉丝，种类都几多几丰富。但味道略嫌有点偏咸，不过都几惹味。咖喱花甲煲 $88呢款咖喱适合唔食得辣嘅朋友，花甲份量都几多，我地仲加左蒜蓉包$48沾咖喱食，个包焗得几脆👍🏻虾酱腊肠炒饭 $78看似平凡嘅炒饭，食落几有镬气👍🏻用虾酱炒饭乐惹味，我地每人都食到2-3碗。面头铺上鸡蛋，卖相令人食指大动！同朋友一齐嘅时光总系过得特别快，饮饱食醉后就各自回家噜！