老厝邊

营业中

休息中

我系为左芋泥而黎架。7:00到有位，到我走时已经要等位啦。我地叫左卤原只鸡腿便当、眷村红烧牛三宝面、超浓芋泥蛋饼、冬瓜柠檬同芋头鲜奶。卤原只鸡腿便当份量好多，除左有卤原只鸡腿，仲有大量肉碎加葱、翠肉瓜、卤豆腐、半只蛋同白饭。鸡腿嫩滑，啖啖肉，其它配菜多到食唔晒，好抵食。眷村红烧牛三宝面汤底浓郁，有牛根、牛肚、牛腱，都好软腍，牛根最为出色，好滑。白萝卜无渣，亦够腍。超浓芋泥蛋饼夹住芋泥、芝士、肉松，材料好丰富。芋泥幼滑，冇粒粒，成个配搭好邪恶。冬瓜柠檬冬瓜味比较重，清甜又解渴。芋头鲜奶入面系我钟意既芋泥，唔系芋头粒，饮完好饱肚。