麵屋一平安 (已結業)

星期五等到放工，同一个台湾来的好友聚一聚，去到铜锣湾食个晚饭，再带埋佢去睇维园花灯。系铜锣湾想揾个静少少地方，我每次都会黎呢到。想两人share就可以试多d野，要咗个长崎拉面, 铁板豆腐, 串烧3串(规定三串起: 叫咗烧冬菇,牛肉包asparagus, 梅子鸡肉) 野食未到就唯有食住d前菜顶住先,系三文鱼但应该再料理过,好惹味，越食越饿!碗拉面大碗豆够我地两个女仔食有突，浓汤足料好惹味！铁板豆腐比较普通，冇特别，反而有d唔够热。串烧牛肉包住asparagus个个好好味，好清爽，梅子鸡肉梅子味对我黎讲太酸，唔系太喜欢，加上鸡肉烧得有d太熟，肉唔够嫩。呢到好好服务，侍应好细心又好热情，虽然我地常请局地帮我们合照但都好好笑容，一d都无唔耐烦。隔离台系两位日本男士，有位日本的服务员就不时用日文对应佢地的要求，相信呢到都系好多日本人常帮衬嘅食店之一。