水門雞飯 (百宜樓) (已結業)

今日晏就同𠮶同事一齐见完个客，谂住一齐喺尖沙咀食个Lunch，见到咁啱网上有介绍过嘅水门鸡饭餐厅，冇谂咁多就冲左入去食啦😂😂因为真系太肚饿。入到去嘅时候，比我感觉系成间餐厅都好白好干净😂，望上去会见到一啲旧式风扇，再望到厨房入面挂出嚟嘅鸡，只只都好肥美☺☺。坐咗一阵之后...我哋就叫咗一个秘汁泰式生虾🦐、水门双拼鸡饭🐣，同埋海鲜冬阴公汤金粉，仲叫左杯泰式奶茶同一杯特饮，至于个名叫咩就忘记咗啦🙈。首先嚟到嘅系秘汁泰式生虾，识食泰国嘅嘢就一定会叫呢样菜式。呢间嘅生虾好新鲜，食落好鲜甜，同埋只只都有一定嘅Size，加埋去秘制嘅酱汁绝对加分同抵食😋😋之后我叫嘅水门双拼鸡饭都到咗啦，可能太肚饿嘅关系，我觉得饭嘅份量有啲唔足够🙈🙈，但系鸡方面就冇问题，两种唔同嘅口感，唔会食食下食到好厌嘅感觉，同埋啲鸡真心滑🤪🤪至于我朋友就叫咗个冬阴公汤金粉，汤底方面可能用咗冬阴公，所以会偏辣少少🌶🌶，但系里面嘅海鲜绝对够份量，唔会偷工减料，同价钱成正比。顺带一提！呢度嘅饮品可以带走㗎，唔需要惊饮唔晒😈😈😈，大家不妨去试下啦，真系唔错的！