影片
更多
2011-03-07
12 浏览
早几天聚会过后, 难得师傅同外星人一齐, 适逢晚饭时间, 师傅就问下外星人有冇约人食晚饭, 结果系冇, 于是师傅就同外星人晚饭! 身处老铜, 对师傅黎讲真系唔知食咩好, 加上系晚饭嘅黄金时段, 所以都应该几难揾野食; 细问外星人有冇试过三条八, 外星人竟然话水准不错, 不过就经常性好多人等位, 既然如此就决定去睇一睇!去到食店, 等位的人唔算十分多, 大约都系等五至六张枱, 于是师傅就同外星人喺度等位! 由于师傅系头一次去, 所以都唔系好知行程, 皆因入到食店见到人龙, 就好自然会行埋柜面攞飞仔, 点知外星人对师傅讲唔使攞飞, 斋排队就得架喇; 好彩有外星人提点, 否则师傅都会觉得几瘀! 大约等左十五分钟到已经可以入座, 轮候时间比想像中快; 而喺等候嘅过程, 食店系会提供餐牌参巧, 师傅觉得呢个位都唔错, 可以消磨时间, 又可以谂定食咩, 不过师傅唯一担心就系要食得好快同会比人赶! 坐底后再望多两眼就可以落单, 外星人就拣左至爱嘅味噌汤拉面, 至于师傅就十五十六, 因为师傅想食辣野, 但辣的又有两款, 就系辣汤拉面同激辣汤拉面, 师傅唔系好知个分别就问下伙计姐姐, 伙计姐姐话辣汤拉面
去到食店, 等位的人唔算十分多, 大约都系等五至六张枱, 于是师傅就同外星人喺度等位! 由于师傅系头一次去, 所以都唔系好知行程, 皆因入到食店见到人龙, 就好自然会行埋柜面攞飞仔, 点知外星人对师傅讲唔使攞飞, 斋排队就得架喇; 好彩有外星人提点, 否则师傅都会觉得几瘀! 大约等左十五分钟到已经可以入座, 轮候时间比想像中快; 而喺等候嘅过程, 食店系会提供餐牌参巧, 师傅觉得呢个位都唔错, 可以消磨时间, 又可以谂定食咩, 不过师傅唯一担心就系要食得好快同会比人赶!
坐底后再望多两眼就可以落单, 外星人就拣左至爱嘅味噌汤拉面, 至于师傅就十五十六, 因为师傅想食辣野, 但辣的又有两款, 就系辣汤拉面同激辣汤拉面, 师傅唔系好知个分别就问下伙计姐姐, 伙计姐姐话辣汤拉面系好少少少少少辣, 而激辣汤拉面就辣好多, 听完伙计姐姐的分析, 师傅当然系拣激辣汤拉面啦!
落完单又唔使等好耐就有得食, 虽然唔系等好耐, 但成碗拉面依然系热腾腾的, 感觉十分讨好; 由于师傅唔吃葱粒, 所以一早就同伙计姐姐单声, 所以拉面登场时真系一粒葱粒都冇, 但系师傅始料所不及系竟然有洋葱, 根据师傅吃拉;面嘅经验系未曾遇见过洋葱, 仲要比个伙计姐姐讲左句 “唔食洋葱就走洋葱嘛”; 师傅如果知道的话就唔会有呢见事出现, 真系比佢激死, 唯有继续低头拣走晒d洋葱先!
当将d洋葱拣走后, 师傅终于可以一试, 二话不说当然系先试汤底, 激辣汤底真的几激, 应该同部苹果电话咁上下, 有三十二激到啦, 汤底真的够辣, 但辣得黎够香够惹味, 唔系一味死辣, 所以汤底已经十分吸引, 写到呢度师傅d口水已经跌到个心口度; 既然汤底咁得, 于是对拉面亦更加期待, 师傅将拉面放入口, 发觉拉面煮得烟烟韧韧, 唔会粉口亦唔会过硬, 更加唔会一pat野, 十分弹牙, 口感真的一流, 再讲连拉面入口都系辣, 呢个水准真的十分之高, 皆因通常d拉面都净系个汤底辣, 而拉面唔辣, 每次师傅都需要加大量七味粉辅助, 但是次竟然唔需要, 可想言之有几激! 最后拉面里系有两片叉烧, 叉烧本身并唔系师傅吃过最好𠮶款, 可能叉烧唔够肥, 令叉烧入口比较干身, 幸好干身得黎亦唔韧, 还是不错, 唔知道可唔可以要求肥叉烧呢?
总括黎讲拉面质素甚佳, 服务殷勤友善, 环境舒服, 价钱亦十分相宜, 作为一间拉面店仲要位于老铜, 而平均一碗拉面都系六十蚊到, 加上水准咁高, 抵食指数绝对爆灯! 呢三条八真系唔讲得笑, 师傅第一次黎已经印象难忘, 所以肯定仲有下次, 亦希望下次等位同样唔需要等太耐啦! 值得一提系食完碗面后伙计系冇催促过埋单, 仍然可以坐喺底倾下计, 不过师傅亦唔系坐好耐, 始终食店都要做生意, 但冇裙甩裤甩𠮶种感觉已经够好! 虽然与外星人饭局看似系一种偶然, 但师傅觉得仍是一种恩典, 期望将来能与外星人有更多分享, 笑脸~当然走唔甩啦!
张贴
