你妳 (運通洋樓) (已結業)

朝早同朋友游完水返到荃湾，啱啱好到下午茶时间。就黎咗路德围呢边医肚。呢头小食／轻食店林立，真系几花多眼乱。偏偏就俾呢度嘅爆馅吐司吸引眼球，一于打个卡医医肚。我不是薯条- Supper Mix (地瓜条+甜不辣)。甜不辣拣咗5分脆度，配上原味椒盐香口又惹味。顾名思义用咗地瓜代替薯仔，酥脆口感食落更香甜。虽然系油炸食物但蕃薯本身高纤又高营养，食多啲都无咁大罪恶感。肉松芋泥吐司。呢度嘅打卡名物，劲多芋泥馅同肉松。芋泥口感滑顺软绵，味道微甜所以食落唔会觉得太漏，香口肉松令到层次更丰富。如果方包可以再烤干身啲会仲好。爆馅芋泥同肉松由头食到尾都KEEP住有，真系好满足。下次一定再ENCORE。午餐A+B+C拣咗干伴面，配一口盐酥鸡并澎湖花枝丸及古早冬瓜茶。干伴面份量都几多，粗面质地软硬适中。肉燥味道偏甜啱晒夏天热到口淡淡，食返啲浓味嘢提下神。盐酥鸡同花枝丸刚刚炸起热辣辣，香脆鸡粒够晒干身，腌得唔会过咸。而花枝丸就够弹牙，两款小食质素都唔错。两杯冬瓜茶及桂圆红枣茶够晒冰冻消暑。玩完水再食个地道台式轻食，简简单单就当去咗个台湾短TRIP，回味一下地道台湾味道。