沙嗲軒 (中港城) (已結業)

拆礼物日约咗几位好姊妹食晏，顺便聊聊近况！这间沙嗲轩已经系同姊妹们第二次嚟喇，以尖沙咀区嚟讲，主要系坐得舒服，就算假日嚟嘅话，人流亦唔算太多，令人感觉好写意。而呢度嘅星洲甜品荟萃拼盘系吸引我地再嚟嘅第二个理由。我地六个人都嗌咗几多嘢啊，大路嘅就系一定要试吓肉骨茶、马来椰汁咖喱鸡、沙嗲串烧等。我地仲嗌咗个特色腊味煲仔饭，可能𠮶日天气冻，想食啲热辣辣嘅食物。印度千层油酥饼系用嚟蘸咖喱汁食嘅。肉骨茶系小妹嘅推介，药材味浓而且肉排非常软腍。我地倾下讲下，唔经唔觉又到四点！有机会再嚟品尝特色星马菜！