玉桃軒酒家 (利舞臺廣場)

营业中

休息中

难得放假今次带妈妈黎铜锣湾行街，顺道饮茶，之前食过观塘分店几好食，今次决定试吓铜锣湾分店。装修一样都系咁高贵，连洗碗个兜都靓过人。😚菜单上好多唔同菜式，点心选择多，简左几款都系妈妈想食嘅。台式鸭舌 $60辣辣地几过引，舌头多肉，口感丰富。外型好似弩箭🤠驰名怀旧炸蟹钳 $30/1 x2见妈妈咁想食就点了，外表酥脆，内里蟹肉充满弹性，配埋酸甜酱食够哂开胃。香煎莲藕饼 $18肉饼系用咗鲮鱼肉，配上粒粒莲藕碎，够哂弹牙。宫廷姜汁糕 $26呢个系妈妈至爱💕，姜汁糕甜度刚好，千层嘅口感，同烟烟韧韧嘅感觉，加上微辣既姜味，真系好食。鲜人参淮杞炖鸡汤 $48平时返工咁忙，加上好少时间系屋企食饭，所以拣咗个炖汤，滋润一下。浓烈嘅参味，满满既鸡件，汤料足，味道够，为下午划上完美既句号。茶方面我哋叫咗铁观音，呢度既茶不俗，比起一般酒楼好饮得多，食物也不错，系带屋企人去饮茶嘅不错自选。