影片
更多
2023-05-22
109 浏览
平时喺马鞍山海滨长廊散步时都总会经过呢间餐厅，今次👧🏻就带咗妈妈👩🏻嚟一齐试下呢间餐厅！(呢间有唔少单车客🚴嚟食，大家去开马鞍山都可以一试！）🌟烧美国顶级牛小扒 伴酸种面包当日就叫咗Holiday Brunch嘅牛小扒配Sourdough，呢款系店员最推介食物之一😛！牛小扒肉质非常不错，肉香同油香平衡，即使牛扒比预期烧熟咗啲(大概系8成熟)，肉质依然保持软嫩！牛扒配上照烧汁充满日式风味。Sourdough面包皮超脆，内里软熟。再铺满焗溶嘅车打芝士、沙律菜🥗，口感同层次非常丰富！🌟轻煎北海道刺身带子墨鱼汁意大利饭店员一送上Risotto时，已经闻到好香嘅墨汁海鲜风味！Risotto质感算系半生熟，质感表现不错，至于墨汁系鲜甜又唔会腥，饭内仲有炒过嘅车厘茄、洋葱🧅、磨菇，增加意大利饭嘅风味。带子煎至金黄，肉质都算实净。🌟白酒忌廉汁煮蓝青口至于小食就叫咗蓝青口，0.5kg嘅份量都有大概20只内(冇认真数🤣)，白酒忌廉汁嘅白酒味🍶同牛油味颇突出。至于蓝青口Size有大有细，味道够晒鲜甜！👧🏻就好钟意呢个重口味嘅白酒忌廉汁，如果可以叫份Sourdough嚟点汁就正啦！🌟热情果芒果挞餐厅甜品就有3
🌟烧美国顶级牛小扒 伴酸种面包
当日就叫咗Holiday Brunch嘅牛小扒配Sourdough，呢款系店员最推介食物之一😛！牛小扒肉质非常不错，肉香同油香平衡，即使牛扒比预期烧熟咗啲(大概系8成熟)，肉质依然保持软嫩！牛扒配上照烧汁充满日式风味。Sourdough面包皮超脆，内里软熟。再铺满焗溶嘅车打芝士、沙律菜🥗，口感同层次非常丰富！
🌟轻煎北海道刺身带子墨鱼汁意大利饭
店员一送上Risotto时，已经闻到好香嘅墨汁海鲜风味！Risotto质感算系半生熟，质感表现不错，至于墨汁系鲜甜又唔会腥，饭内仲有炒过嘅车厘茄、洋葱🧅、磨菇，增加意大利饭嘅风味。带子煎至金黄，肉质都算实净。
🌟白酒忌廉汁煮蓝青口
至于小食就叫咗蓝青口，0.5kg嘅份量都有大概20只内(冇认真数🤣)，白酒忌廉汁嘅白酒味🍶同牛油味颇突出。至于蓝青口Size有大有细，味道够晒鲜甜！👧🏻就好钟意呢个重口味嘅白酒忌廉汁，如果可以叫份Sourdough嚟点汁就正啦！
🌟热情果芒果挞
餐厅甜品就有3款Tarts+Pancake，蛋白柠檬挞🍋同呢个热情果芒果挞就最吸引到👧🏻！热情果芒果挞呢两款热带水果🥭酸酸甜甜，质感同平时食柠檬挞差唔多！挞皮就相对厚身，Overall嚟讲独食一件都唔会觉得太Heavy！
🌟桂花鲜奶咖啡
桂花咖啡出面冇咩地方揾到，绝对岩晒桂花控👧🏻！桂花味就系取至桂花蜜，记住要捞匀个底先饮！咖啡同桂花味并重，咖啡味唔会掩盖桂花味，值得一赞👍🏻。
🌟梦幻甜心
呢杯梦幻甜心其实就系白桃、玫瑰、波波寒天组成嘅Soda，绝对岩晒夏天饮呀！味道清爽唔会太甜，寒天波波质感够弹牙！
张贴
