Flaneur (已結業)

难得带屋企人食西餐，因为佢地偏好食海鲜既关系，所以我都揾几间食海鲜既比佢地选择。最后黎到呢间出名海鲜拼盘既Flâneur共聚晚餐。呢间餐厅门面已经别具一格，出面睇入去，营造到好似开紧PARTY 既感觉，而且系呢区真系好难揾到咁开扬既餐厅，企系呢个角度睇系另一番风味。餐厅环境充满异国风情，摆设特别又可以营造气氛，客人亦可因应自己选择室外或室内。以文字为主既中英餐牌，食物款式唔算多，不过亦有唔少招牌菜，呢间餐厅吸引到唔少外国客帮衬，所以酒精饮品选择相对上多。蟹肉薯丸，一客有6粒，薯波外层炸至金黄色，食落去外脆内软，里面食到溶合左既薯仔同蟹肉，点上配置既蛋黄酱更加美味。烤海鲜拼盘，成个拼盘包括有帆立贝、生蚝、大头虾、炸软壳蟹、烤鲜鱼、海葡萄，拼盘黎到已经充满香烤气味，卖相丰富又吸睛，帆立贝同生蚝各有两件，唔怕平唔匀。烧北海道帆立贝，帆立贝够新鲜，食落香口又鲜甜泰国珍宝大头虾，餐厅已经将只大头虾开边，虾膏鲜味浓郁。Mini burger，以长形木板垫住上菜，另外仲会配一份薯条，可以因应个人喜好加上车厘茄等等配料一齐食。一口食落去，充满阵阵牛肉香味冲紧出黎，经过微烤既包皮令口感会有少少干，咀嚼同