雲來軒 (已結業)

好耐无同屋企人食饭啦，老一辈都中意食中菜多D，所以今次就book左呢间名厨餐厅食下。餐厅需要上一层的，上到去唔算话好大，有卡位亦有圆枱，亦有间开房间，我地唔系好多人所以安排坐于位，都几舒服。座低后侍应就开茶俾我地，同埋送上小食一碟，小食好特别，除左有花生系入面，仲有木瓜片，几特别。屋企人中意饮汤，所以叫左个汤俾佢饮。日本花菇鸡脚炖螺头，呢个汤系用茶壶装的，好特别，饮果阵倒落个杯仔到饮，反而更加饮到汤的味道。汤好鲜甜，而且茶壶入面真系有鸡脚，好足料。醒胃话梅鸡半只，系网上见到大家都话呢度既话梅鸡好食，所以就叫黎试下。鸡用左石锅装，可以保住鸡既温度。茨汁带有少少酸味同埋三色椒既味道，所以好香。鸡肉好嫩滑，有少少话梅味，酸酸地咁几特别。水芙蓉蒸明虾球，呢款菜式系呢度主理既厨师得奖菜，当然要试试佢。佢既蒸蛋系用左蛋白黎蒸，好滑溜，而且女士食唔怕食左蛋黄好肥。虾球应该有事先整过，所以可以整到虾肉卷起，好靓。而虾肉弹牙鲜味，唔怪得枱枱都叫黎食啦。呢度D野食都几大碟，价钱又唔会因为厨师出名而好贵，值得再黎。