咖啡空間

营业中

休息中

宠物friendly既餐厅系市区内真系比较少见，之前有听过朋友提过咖啡空间可以带宠物已经好想黎，今日趁住下午黎附近工作就顺著黎试一试。附餐会送上餐汤，当日系南瓜汤。南瓜汤口感幼滑香甜。自家制麻辣酱海鲜意粉意粉上充满青口令鲜味更强烈。被麻辣酱染成深啡色既意粉入口带一阵麻香，相当惹味。放一口意粉入口已经感受到强烈既麻辣味，先辣后带一阵麻劲。意粉烟烟韧韧又吸满晒麻辣酱既精华够晒入味。意粉中带少少洋葱粒，当中既甜味平衡香辣感。Mocha咖啡同朱古力互相融和，先带咖啡既甘香后有朱古力既甜味。蓝莓酱芝士蛋糕芝士蛋糕软绵带一阵柠檬既清香令入口相对无咁甜腻，底下饼底香脆又充满牛油香。酸酸甜甜既蓝莓酱再配上芝士蛋糕好搭配，入口口感更绵密。