餃子屋

营业中

休息中

事先上网睇咗食评，已经知道间嘢环境唔系特别好，座位好细又逼，啲阿姐态度真系麻麻地，想落单嘅话都要等15分钟先至帮你落，之后等饺子都等咗成20分钟，汤饺叫咗两款，另外仲叫咗煎饺，总括嚟讲饺子都麻麻哋，煎饺太油，唔觉得特别新鲜，汤饺嘅汤都超级一般，唔系老火汤应该系现成汤包，类似浓汤宝啲friend，食食吓仲有只小强喺张枱𠮶度出现，只小强喺张枱爬来爬去之后仲爬咗去筷子𠮶度行嚟行去，所有筷子都系冇嘢冚住，开放式咁俾小强爬，其实呢间嘢都几污糟吓，你见墙侧边就知，啲油渍成寸口，一定唔会再去！