影片
更多
2021-04-08
215 浏览
带埋仔仔同婆婆去荃湾广场睇戏，接住落揾好嘢食。芙蓉街新开左一间文青餐厅，门外睇到格局非常清新，好友文青feel。见到年青女孩子坐在门口露天吧枱的情景，好似拍戏咁。估唔到婆婆都话想试番杯靓咖啡，于是决定同呢位扮文青嘅婆婆一齐入去试菜。食物种类唔算太多，但款款都好吸引。Order左三客午餐，每份包主食及一杯饮品。一客 黑松露贝夏媚白酱蟹肉手工千层面，卖相相当吸引，扮文青嘅婆婆突然提高警觉，话闻到好大浸漏煤气味。笑死我哋，其实系黑松露酱嘅味道。另一款都系黑松露牛肝菌烩饭，食食吓，婆婆都话呢浸味好香港特别。另一款系本菇鸡肉意粉配温泉蛋，温泉蛋伴着意大利扁身面条，温泉蛋吉穿咗流出嘅蛋浆绊住意粉食非常浓香。跟餐叫甜品会减$10 ，我哋叫咗一盒鸡蛋布甸配鲜无花果，我仔话好味到不得了，鸡蛋布甸好香滑，配上𠮶啲焦糖酱非常好味。我试过黑仔𠮶杯冻朱古力都几香浓。我同婆婆就扮文青，人叫咗杯White Flat ，好好饮。顺带一提，见隔离枱两个妹妹仔笑骑骑、密密斟，不时向着冲咖啡师傅方向望去。我又专登望吓，原来系咁⋯⋯
估唔到婆婆都话想试番杯靓咖啡，于是决定同呢位扮文青嘅婆婆一齐入去试菜。
食物种类唔算太多，但款款都好吸引。
Order左三客午餐，每份包主食及一杯饮品。一客 黑松露贝夏媚白酱蟹肉手工千层面，卖相相当吸引，扮文青嘅婆婆突然提高警觉，话闻到好大浸漏煤气味。笑死我哋，其实系黑松露酱嘅味道。
另一款都系黑松露牛肝菌烩饭，食食吓，婆婆都话呢浸味好香港特别。
另一款系本菇鸡肉意粉配温泉蛋，温泉蛋伴着意大利扁身面条，温泉蛋吉穿咗流出嘅蛋浆绊住意粉食非常浓香。
跟餐叫甜品会减$10 ，我哋叫咗一盒鸡蛋布甸配鲜无花果，我仔话好味到不得了，鸡蛋布甸好香滑，配上𠮶啲焦糖酱非常好味。
我试过黑仔𠮶杯冻朱古力都几香浓。
我同婆婆就扮文青，人叫咗杯White Flat ，好好饮。
顺带一提，见隔离枱两个妹妹仔笑骑骑、密密斟，不时向着冲咖啡师傅方向望去。我又专登望吓，原来系咁⋯⋯
张贴
