白宮咖啡室 (已結業)

之前经过已经好想试，舖面用落地玻璃，可以望到入面部分座位同设备。日抖有阳光果阵，都几悠闲。今次我地去左食晚餐，因为book左位，所以唔使等位。我地叫左个3小时慢煮纽西兰西冷扒(500g)连薯条同明太子三文鱼籽烟三文鱼意粉既dinner set。明太子三文鱼籽烟三文鱼意粉好creamy，热食超好味，超多明太子😍😍意粉份量足够2个女仔share食。3小时慢煮纽西兰西冷扒(500g)连薯条。块牛排超正！碟上大概都有7成熟，切开嫩红色，冇血流出黎，扒身劲厚，沾小小芥末酱超美味。薯条都系系厚切，条条都肥肥地涨卜卜，有少少幼盐系面，食落唔会太咸，最岩我哩啲薯条杀手！最正系杯野饮。味道好之余卖相劲赞！只要系热饮（咖啡/朱古力系列）就可以㨂你想要既图案。迪士尼系列、marvel logo系列，连樱木花道都有！仲有好多款特色野饮，下次再试。成餐饭每人大约一百蚊左右，坐左好耐，好舒服。