朱敏記桑拿菜 (已搬遷) 新店位置

朋友介绍土瓜湾朱敏记桑拿菜小炒好够镬气，今日就同屋企人试下!座位舒服，服务唔错，款式都几多粤菜，中菜，水煮，鸡煲，火㶽，海鲜样样有!虾中虾，火喉十足炸得好靓，炸到外脆内热，虾胶肉再包住原只虾黎炸啖啖肉，虾肉本身亦好弹牙，味道亦唔错，师傅刀功亦好厉害，伴碟既蕃茄青瓜切得好薄! 黄金鲜鱿，炸粉够薄，炸到金黄香脆，鱿鱼爽口，配埋脆脆粒华盐一齐食，口感更加好! 豉汁蒸鳝，蒸既时间控制得好好，鱼质鲜味，豆豉放既份量适中，唔系就会咸过头，豉油调教既味道都好好，岩晒捞饭食! 鲍鱼蟹鸡煲，师傅好细心将鲍鱼切好晒坑纹，令鲍鱼可以更入味，鲍鱼既大只肉厚又弹牙肉蟹一样好大只新鲜啖啖肉，份量十足，鸡肉嬾滑，既炒得够镬气，加上海鲜鲜味同鸡肉香味配上酱汁及葱蒜一齐炒非常野味以细镬仔上枱，唔洗惊食食下冻左怕海鲜变鯹，随时可以煮返热!镬气十足值得推介!><