鹿角巷

营业中

休息中

呢间台式手冲饮品店已经开左成年，次次经过佢都会大排长龙。去咗北京见到佢有几间分店，唔知系咪真嘅。舖头地理位置真系一绝，系iSquare 对面，不过都因为咁样而排队有啲唔方便，永远都会有啲人系你隔离左穿右插。我系下昼大约12点去，见到条龙大约有10个人，咁我就心郁郁。排队嘅通常都系游客带住行李。我叫左黑糖鹿丸鲜奶，由排队到杯野到手大约系20分钟。比起铜锣湾个啲合理，counter 姐姐服务都好有礼貌。佢建议第一次饮，糖度跟佢标准，如果唔系黑糖就会小左。味道无咩惊喜，不过大致中上。挂杯嘅黑糖味无话特别香不过系唔会太甜。珍珠都烟韧，不过唔算太香黑糖味，分量都ok。鲜奶我见佢系用日本明治奶，不过冲出嚟无话特别香滑浓。整体系ok 嘅，唔会饮完太腻。路过条龙短可以试试，要排队多过20人就不必。