影片
更多
2023-01-03
1260 浏览
💎总评分：6.5/10-前排天气开始转凉多左带狗狗去散步🐶，好多pet friendly cafe都收得早，经过荃湾广场对面见到呢间设有户外座位，环境几chill嘅cafe/bar，menu多元化偏向食德国菜🇩🇪，香港都有几间分店唔少人介绍过，就坐低叹下。1️⃣ 大细路汉堡 $188固名思义就系有大有细，用竹签串埋大小汉堡🍔，另配薯条份量都OK🍟。Burger算足料，大细版都有厚厚既牛肉叠住烟肉🥓，食肉兽应该开心！夹生菜同酱汁🥬，味道说不上一试难忘，老实说价钱都唔平呀，不过concept得意，迷你size可以俾小朋友👶🏻。。。或者好似小编咁，细嘅俾自己浅尝，大嘅肥嘅留俾宝贝🤭，两个人share都勉强可以。2️⃣ 香煎鸡肉沙律 $98一般对沙津都唔抱有太大期望，不过呢度整到成个all day breakfast咁款🤩，配料有牛油果🥑煎蛋🍳鸡肉嘅量唔少🐔，配法式面包，呢个价钱小编认为几合理。3️⃣ 蒜香德国肠切片 $68食德国菜一定要叫肠，但系main dish嘅portion又太大份，好彩有得叫个小食止下瘾😝。两款肠mix埋，蒜香味更加好食！4️⃣ Nachos $68谂住坐系度慢慢hea下叫埋nach
-
前排天气开始转凉多左带狗狗去散步🐶，好多pet friendly cafe都收得早，经过荃湾广场对面见到呢间设有户外座位，环境几chill嘅cafe/bar，menu多元化偏向食德国菜🇩🇪，香港都有几间分店唔少人介绍过，就坐低叹下。
1️⃣ 大细路汉堡 $188
固名思义就系有大有细，用竹签串埋大小汉堡🍔，另配薯条份量都OK🍟。Burger算足料，大细版都有厚厚既牛肉叠住烟肉🥓，食肉兽应该开心！夹生菜同酱汁🥬，味道说不上一试难忘，老实说价钱都唔平呀，不过concept得意，迷你size可以俾小朋友👶🏻。。。或者好似小编咁，细嘅俾自己浅尝，大嘅肥嘅留俾宝贝🤭，两个人share都勉强可以。
2️⃣ 香煎鸡肉沙律 $98一般对沙津都唔抱有太大期望，不过呢度整到成个all day breakfast咁款🤩，配料有牛油果🥑煎蛋🍳鸡肉嘅量唔少🐔，配法式面包，呢个价钱小编认为几合理。
3️⃣ 蒜香德国肠切片 $68
食德国菜一定要叫肠，但系main dish嘅portion又太大份，好彩有得叫个小食止下瘾😝。两款肠mix埋，蒜香味更加好食！
4️⃣ Nachos $68
谂住坐系度慢慢hea下叫埋nachos止口痕。明显chips系买反嚟就无咩好评论啦😂，配tomato salsa甜甜酸酸，正路👌🏻！
5️⃣ 路过蜻蜓 $58
改名几有心思㖞😆，其实系青苹果🍏薄荷🌱青瓜🥒调出嚟嘅沙冰特饮，配搭感觉清凉舒服，唔饮酒可以健康chillax一下。
小编拣D野食唔系好德国feel，不过menu上面的确唔少德国菜，热卖猪手$238，超大香肠拼盘$178，average唔贵。论呢餐嚟讲，食物质素就一般般，可能系坐出面嘅关系，成日俾店员无视，要杯水都要叫几次，态度可以有代改善。除左纱厂，呢一带唔知仲有无pet friendly餐厅可以同狗狗一齐dinner呢？
-
环境服务：⭐⭐⭐
食物质数：⭐⭐⭐
打卡指数：⭐⭐
-
张贴
