Lockeroom Dining (朗晴坊) (已結業)

收工最好当然就系同朋友揾个地方食吓饭，朋友约了这间有主题嘅餐厅食饭，主题就系店内老板同好嘅球队，我个人唔系好好足球，但都觉得店内装修用心，还放了大量珍藏，朋友边望环境边望餐牌，我就主力系肚饿揾食！点了个卡邦尼意大利面配温泉蛋朋友就系要了个鲜罗勒香蒜烟肉芝士肠蝴蝶粉，两个人都加多个咸蛋黄小食拼盘！落单后先上个沙律，加埋个醋汁够晒醒胃！接住香脆蒜蓉多士，同埋个香浓蕃茄汤跟住上。咸蛋黄小食拼盘，上面咸蛋黄一啲都唔少，每样都沾满咸蛋黄，有香脆薯角、香脆鸡翼、脆口洋葱圈、同埋烟韧弹牙嘅德国香肠、还有外脆内软嘅薯丝虾，小食拼盘十分美味，份量十足！主食卡邦尼意大利面配温泉蛋，中间有只荡漾嘅温泉蛋，混埋落去个意粉内更加香滑，本身意粉够晒弹牙爽口，沾满了卡邦尼酱汁外还有少少嘅烟肉同香菇，真系一个唔错嘅选择！朋友嘅鲜罗勒香蒜烟肉芝士肠蝴蝶粉都十分大碟，上面撒满了鲜罗勒，食了一匙羹，蝴蝶粉亦十分烟韧弹牙，味道够晒香浓，都系一个唔错嘅选择！最后还有餐饮，当然叹杯香浓咖啡再听吓朋友介绍他支持嘅球队啦！