Van Gogh SENSES (已結業)

今晚终于都食到我想食好耐既Van Gogh，环境好靓而无论系侍应定系食物质素都好高!一黎到就有微暖既面包食住先~味道都好好烟韧有咬口!我地最后决定食set dinner，唔使自己谂又食到佢出名既菜式! 第一道菜系荷兰小牛肉配油封吞拿鱼。小牛肉整得岩岩好，浓郁既牛味再加埋肉质软滑，好易入口又冇血味。配埋煎封过既吞拿鱼，第一道菜已经好有惊喜!之后就系昆布鱼汤配慢煮鲍鱼，鱼汤系用一个好精致既壶装住，到上台时先淋落去，保证最新鲜热辣就食到，唔会摊咗一阵影响口感。鱼汤好鲜味同埋够清，但又唔会无乜味!鲍鱼真系好出色，口感一流而肉质爽口弹牙，一D腥味都冇!另外我地一人叫一款主菜share食。第一款系香辣番茄炖海鲜，海鲜全部都系新鲜而爽口既，不论系鱿鱼、蚬同埋青口都做得好好食，番茄味带出海鲜既鲜味又唔会盖过本身既味道，微辣既口感亦都相当开胃。第二款系红烧羊腱，羊腱亦都系煮得岩岩好，羊肉有少少膻味但唔会太劲，肉质非常鲜嫩而且配埋个红烧汁一齐食好好食!甜品方面有朱古力蛋糕同埋类似芒果拿破仑，两款都好出色而摆盘好有心思，呢到既碗碟亦都非常之靓同埋优雅，另外仲有得单买返屋企用，好享受同埋舒适浪漫既晚餐!