影片
更多
2015-11-11
533 浏览
我地一心打算 Lunch 去试辣鸡煲同打边炉架麻，点知咁晏都仲未开门，原来六点先开舖，咁懒架！哈哈。费事浪费气力四围行，是但转个弯去蛇舖求其食饱就返屋企休息喇。Lucky ﹗唔洗等位。无咩特别菜色，都系𠮶几样啦。蛇汤、蛇羹、蛇汁鸡啦，我真心想试吓蛇汁捞面、炸蛇肉云吞啊！几时先有呢？ 蛇汤，宿醉当然最正系整返碗热辣辣既醒酒汤啦！药材蛇汤都是一个不错既选择 ﹗香甜味美，浓郁芳香既药材味道，不苦不涩，当中仲隐藏著蛇肉既清甜。蛇羹，琴晚爆醉，到依家变成宿醉，当然要食热野同要重口味醒一醒啦！劲落浙醋、胡椒粉，甜酸辣合体，非常醒脑又醒胃。超足料啊 ﹗蛇肉、瘦肉、冬菇丝、木耳丝、等等。每一羮都劲多蛇肉劲多料，不但肥美，而且肉质结实弹牙，加上汤汁美甜不浊，就更加停唔到口啦 ﹗满分分分分分 ﹗卖相非常吸引，颜色富光泽，仲要闪令令添 ﹗索一索好香蛇肉香味呀，感动 ﹗ 蛇汁鸡饭一碟，有一碗或一碟选择，依旧都系宵失的鸡髀，食左几年，我都系食过鸡髀两三次乍，好明显因为我唔系囡囡啰，重女轻男呢 ﹗蛇汁鸡饭好正又好邪恶！正所谓偷饭贼，跟韩国酱油蟹有得挥，捞饭会食都唔识饱呢，非常神奇 ﹗滑滑浓稠又厚身既蛇汁大量倾倒系
我地一心打算 Lunch 去试辣鸡煲同打边炉架麻，点知咁晏都仲未开门，原来六点先开舖，咁懒架！哈哈。费事浪费气力四围行，是但转个弯去蛇舖求其食饱就返屋企休息喇。Lucky ﹗唔洗等位。无咩特别菜色，都系𠮶几样啦。蛇汤、蛇羹、蛇汁鸡啦，我真心想试吓蛇汁捞面、炸蛇肉云吞啊！几时先有呢？
蛇汤，宿醉当然最正系整返碗热辣辣既醒酒汤啦！药材蛇汤都是一个不错既选择 ﹗香甜味美，浓郁芳香既药材味道，不苦不涩，当中仲隐藏著蛇肉既清甜。
蛇羹，琴晚爆醉，到依家变成宿醉，当然要食热野同要重口味醒一醒啦！劲落浙醋、胡椒粉，甜酸辣合体，非常醒脑又醒胃。超足料啊 ﹗蛇肉、瘦肉、冬菇丝、木耳丝、等等。每一羮都劲多蛇肉劲多料，不但肥美，而且肉质结实弹牙，加上汤汁美甜不浊，就更加停唔到口啦 ﹗满分分分分分 ﹗卖相非常吸引，颜色富光泽，仲要闪令令添 ﹗索一索好香蛇肉香味呀，感动 ﹗
蛇汁鸡饭一碟，有一碗或一碟选择，依旧都系宵失的鸡髀，食左几年，我都系食过鸡髀两三次乍，好明显因为我唔系囡囡啰，重女轻男呢 ﹗蛇汁鸡饭好正又好邪恶！正所谓偷饭贼，跟韩国酱油蟹有得挥，捞饭会食都唔识饱呢，非常神奇 ﹗滑滑浓稠又厚身既蛇汁大量倾倒系香滑嫩鸡上面，香喷喷既轻烟直向您勾魂 ﹗先令每粒饭都被蛇汁包得紧紧，再狠狠地一啖 ﹗咸香带清甜既嫩滑蛇汁白饭跟舌头不停在翻滚，尝得到味道既细腻，引人入性！继而一二三四啖连环送入口中，不能自拔 ﹗到依个时候鸡都只能成为配角了 ﹗
回一回神，试旧鸡先，全部鸡胸，好 ﹗算数，好过系鸡翼。软软棉棉带著丝丝肉汁，配上蛇汁白饭都一样咁美味 ﹗切鸡皮滑肉香，当然跟饭一样蒸发得一干二净啦 ﹗食饱饱相黎多个襟上添花，饮返罐冰冻可乐爽一爽先 ﹗原来蛇王兄有汽水卖㖞，刚刚先知，咁唔洗行去老远啦。
张贴
