囍雲軒 (雙子匯1期)

营业中

休息中

知道最近呢度新开咗中菜餐厅所以同屋企人嚟呢度庆祝生日同埋试一试佢哋嘅晚餐。当天预备咗生日蛋糕，少有嘅中菜餐厅系唔收切饼费，非常友善！我哋单点咗几款招牌嘅菜式，份量唔小，而且都几好食。大龙趸两味 $298分别系翡翠炒龙趸以及清蒸班头腩翡翠龙趸系用西兰花炒，食落干爽同香口。热清蒸班头腩，以云耳及香蒜蒸，特别钟意佢个鱼皮，胶质好厚，好重身，超嫩滑！鱼肉厚身，多肉多汁。明炉叉烧王 $198以火山石只烧叉烧，食法相当招积！上菜有一个火炉承载住，叉烧厚肉松脆，蜜糖汁包围着叉烧，香甜又多汁，微微烧焦包咗喺叉烧面层食落脆口，相当滋味。上汤澳洲龙虾仔伊面 $348澳洲龙虾多肉多汁，肉质爽甜，入口啖啖肉，但又海水咸鲜，超级正！ 虾嘅肉汁配上上汤捞埋落伊面度，食到停唔到。果皮蒸大连鲍鱼 $148鲍鱼共有六只，每只都大大粒，好厚肉。上面铺上好多果皮，以及蒜蓉金菇粉丝垫底，索晒啲汁。鲍鱼肉质扎实弹牙，唔错！乳鸽 $116乳鸽略嫌细只，唔多肉，肉质唔够结实。