樂園 (已搬遷) 新店位置

收工前接到朋友来电，问我今晚有冇时间，因为佢本来约左另一个朋友食饭嘅，对方临时有事嚟唔到，所以打比我，咁啱今晚冇约人，所以有时间同佢食饭，我问佢系边度食，佢话尖沙咀有间叫乐园嘅楼上舖，有两只肥猫好得意，最初谂住个朋友喜欢猫，所以订咗呢间咁特别嘅餐厅，七点半我俩都准时 到达，因为已订位，所以好快已可座低，入去已经比只肥猫吸引住，真系好得意，侍应俾咗餐牌我俩，又不停咁介绍有乜好嘢食，真系有太多选择，重有一个系厨师发板嘅特别惊喜套餐，但系我地拣咗松叶蟹味噌甲罗烧，同埋美国安格斯肉眼扒，加78元送餐汤和特饮，先上嘅系松叶蟹味噌甲罗烧，味道鲜美，又有洋葱圈系底下，洋葱圈炸得非常香脆，沾茄汁更加惹味，跟住就到美国安格斯肉眼扒啦，因为我要咗五成熟，所以切开中间都有啲红色，但入口好冧，沾埋𠮶自家制嘅酱汁，好味，最后来杯特饮系由芒果，橙，苹果，黑加仑组成嘅饮品叫笑口常开，味道清甜，有时间下次可以再来。