貓咪貓咪HOME (已結業)

近年好似开咗好多猫猫cafe，钟意猫猫嘅我今日突然发猫瘾，所以黎咗依间cafe同猫猫玩。入去之前要除鞋先，以防带埋啲细菌入去。日式麻酱吉列猪排乌冬（＄88）同猫猫玩之前要食饱先，我地叫咗店长推荐嘅日式麻酱吉列猪排乌冬，客人亦可选择其他配料，有鸡排、烟三文鱼等。乌冬口感都算弹牙，同麻酱好夹，猪排唔会太油，调味亦唔错，但就唔够松化，有少少硬。芝士西多士（＄58）完全俾menu幅图吸引，叫咗客芝士西多士，谂住流心芝士一定好正，上枱时觉得外型都几吸手，金金黄黄，但切开一啲都唔流心连芝士都唔太见到，同食一般西多士冇分别，有啲失望。小食拼盘（＄88）至于小食拼盘，一睇就知超热气，有炸薯条、蜜汁鸡翼、饺子同蜜汁肠仔。蜜汁鸡翼同肠仔整得几好食，鸡翼好juicy，肠仔有啲芝士 但薯条就冇咩薯味，好重面粉味，同好硬，应该炸得有啲过弄，饺子都煎到㶶㶶地，块皮劲硬。食完野终于可以同猫猫玩！依间cafe都算多猫猫，应该有十几只，比之前去𠮶啲多。依只猫猫真系好百厌！成日上黎偷人野食，所以建议尽快食哂啲野先玩猫猫！