影片
更多
2020-11-20
1387 浏览
今晚应朋友邀约，去咗观塘鸿图中心一间以鸭仔做主题嘅冰室「The Ugly Duckling」吃晚饭，据说店子主打丹麦菜同西餐。餐厅位于「爱琴坊」中庭，店面地方颇大，门外天花挂咗只鹅黄色嘅可爱鸭仔，离远已经望到，大大只、超巨型，好抢眼！至于室内装潢亦很特别，充满怀旧色彩，除了有情侣最爱的沙发卡座外，近门口仲放咗部留声机，配上传统红白格仔台布，令人有种重拾往日花样年华的感觉，晚市嘅餐牌只有一张，食物选项都算丰富，供有 14 款，定价由 $50-$138 不等，+$5 可配是日餐汤或沙律及咖啡或茶。我哋拣咗两个套餐，慢煮鸡胸烧南瓜杂菜沙律 ($50) 同 鸭仔铁板什扒 ($128)。是日餐汤为薯仔忌廉汤 (+$5@)，汤身上桌时仍热辣辣，入口滑溜 Creamy，健康又美味。两款主菜接著送上，先吃鸡胸烧南瓜杂菜沙律，鸡胸肉以慢煮方法烹调，食落非常嫩滑，入口啖啖肉。沙律菜新鲜爽脆，南瓜有轻轻烧过，入口充满南瓜的甜味，清香得来又带点软糯。其他配料还有紫洋葱、粟米粒、车厘茄、青瓜等，捞埋个沙律汁一齐食，好醒胃。至于个鸭仔铁板什扒用料亦非常丰富，有牛扒、猪扒、鸡扒同司华力肠，垫底仲有椰菜、红萝卜和香菇
餐厅位于「爱琴坊」中庭，店面地方颇大，门外天花挂咗只鹅黄色嘅可爱鸭仔，离远已经望到，大大只、超巨型，好抢眼！
至于室内装潢亦很特别，充满怀旧色彩，除了有情侣最爱的沙发卡座外，近门口仲放咗部留声机，配上传统红白格仔台布，令人有种重拾往日花样年华的感觉，
晚市嘅餐牌只有一张，食物选项都算丰富，供有 14 款，定价由 $50-$138 不等，+$5 可配是日餐汤或沙律及咖啡或茶。
我哋拣咗两个套餐，慢煮鸡胸烧南瓜杂菜沙律 ($50) 同 鸭仔铁板什扒 ($128)。
是日餐汤为薯仔忌廉汤 (+$5@)，汤身上桌时仍热辣辣，入口滑溜 Creamy，健康又美味。
两款主菜接著送上，先吃鸡胸烧南瓜杂菜沙律，鸡胸肉以慢煮方法烹调，食落非常嫩滑，入口啖啖肉。沙律菜新鲜爽脆，南瓜有轻轻烧过，入口充满南瓜的甜味，清香得来又带点软糯。其他配料还有紫洋葱、粟米粒、车厘茄、青瓜等，捞埋个沙律汁一齐食，好醒胃。
至于个鸭仔铁板什扒用料亦非常丰富，有牛扒、猪扒、鸡扒同司华力肠，垫底仲有椰菜、红萝卜和香菇，材料叠到成两吋高，份量十足，啱晒大胃王。牛扒味道唔错，肉味浓郁又有咬口。鸡扒比手掌还要大，肉质滑嫩，而且煎得甘香又不过腻。猪扒好厚身，入口软腍不死实。
个扒餐仲可以拣配洋葱汁、黑椒汁或蘑菇汁，同埋可以免费转饭、意粉、薯条或薯蓉，选择好丰富，正所谓，有得拣，先至系老板。
餐饮点咗冻咖啡同雪糕可乐，食完饭，叹埋杯饮品，慢慢坐，店员亦无催促我哋离开，整体服务不错。餐厅不设加一，埋单只系 $203，十分抵食。
张贴
