亞坤 (已結業)

听闻新加坡很出名的亚坤来港开店，但每次搭车经过都有长长的人龙，唔想同人迫，一直等有时间去试。难得今日下午去尖沙咀，就谂住去亚坤度碰碰运气。来到亚坤，餐厅有6,7成满，奇露比加快脚步入内。入到餐厅，发现佢地的经营模式系先排队买食物，CASHIER个WAITRESS俾个牌你，你就揾位坐低等食物。同香港很多快餐店模式很相似。餐厅附近有钟表行，应该系导游带团友购物。但应该有不少游客在出面等，所以坐左系亚坤门口，外观真系麻麻。讲返食品，入座后，等左大约5分钟，咖椰多士就到左。一口咬落去，唔热既，但好脆，打开多士，见到一片牛油在中间，周边有咖椰酱。有时一口得咖椰酱，一口得牛油。未知是否其咖椰多士的特色?一个人食哂会有点喉咙痛的感觉。当食紧第二片多士时，奇露比ORDERED的牛肉丸河粉已到。碗内有很多芽菜、有2条白菜、6粒牛肉丸同一「PAT」河粉。PORTION就唔系好值$40。牛肉丸系普通质素，河粉比平时食开果种厚D，但食到底，D河粉系好碎既。其实食落，又唔系咁预期好食，唔知系咪因为名气大于食品质素?如果要排队去食，奇露比就一定唔会去。