影片
更多
2010-10-15
380 浏览
送别了嫦娥吴刚，送别了炎热既夏天，踏进秋意渐浓既季节，彷佛要告䜣大家又系搅事既时候，哗鬼细胞要起动．．起动喇．．．！１０月份负起了揭开热閙节庆序幕既责任，打头炮有开怀畅饮既德国啤酒节，跟著系猛鬼出笼既 Halloween，两者都令人热血沸腾，誓将投入旋风式忘我既庆祝气氛里！今年德国啤酒节舍弃了兰桂坊、酒店、餐厅，决定黎一个新尝试，移施快活谷。对快活谷认识可谓唔深，对上一次到访都系参加某大电讯公司既新机发布酒会。但原来马会从几年前已开始响快活谷啤酒园举行德国啤酒节，曾专情邀请德国名厨烹调美食，啤酒园既范围更由跑道对开既草地增至１楼看楼，另外当场仲有为德国啤酒节而设既啤酒竞饮擂台，举杯耐力战等，当然唔少得德国啤酒同特式美食啦，系咪好吸引呢！不过最大既 Gimmick 系一边庆祝、一边欣赏夜马赛事，双重感受，双重气氛！大约７点半到达快活谷公众席既入口，入场需缴付$10蚊既入场费，入闸后直行不远处就见到露天既啤酒园，跑道栅栏就近在咫尺，果真近距离，无错！现场已摆放左售卖啤酒、食物既帐篷，我地一众急不及待买左两 Jar Erdinger，就地先黎个 Cheers，Happy German Bee
１０月份负起了揭开热閙节庆序幕既责任，打头炮有开怀畅饮既德国啤酒节，跟著系猛鬼出笼既 Halloween，两者都令人热血沸腾，誓将投入旋风式忘我既庆祝气氛里！
今年德国啤酒节舍弃了兰桂坊、酒店、餐厅，决定黎一个新尝试，移施快活谷。对快活谷认识可谓唔深，对上一次到访都系参加某大电讯公司既新机发布酒会。但原来马会从几年前已开始响快活谷啤酒园举行德国啤酒节，曾专情邀请德国名厨烹调美食，啤酒园既范围更由跑道对开既草地增至１楼看楼，另外当场仲有为德国啤酒节而设既啤酒竞饮擂台，举杯耐力战等，当然唔少得德国啤酒同特式美食啦，系咪好吸引呢！不过最大既 Gimmick 系一边庆祝、一边欣赏夜马赛事，双重感受，双重气氛！
大约７点半到达快活谷公众席既入口，入场需缴付$10蚊既入场费，入闸后直行不远处就见到露天既啤酒园，跑道栅栏就近在咫尺，果真近距离，无错！现场已摆放左售卖啤酒、食物既帐篷，我地一众急不及待买左两 Jar Erdinger，就地先黎个 Cheers，Happy German Beer Festival！正要准备到１楼观众席时，职员介绍２楼露台，经实地视察后，众人都认为气氛唔及１楼，对观看赛事而言，１楼亦系最佳位置，于是就晌１楼露台展开我地庆祝之夜。
当时可见地面已布满密密麻麻既人，１楼聚集既人亦愈黎愈多。１楼不但有投注柜位，亦设有售卖食物既地方，唔使专登跑到地面。可惜轮候人打晒蛇饼，而好多特式德国食物已暂停，有ｄ失望呀！整个过程需差不多４５分钟才能完成，终于买到以下食物医肚。
Erdinger 啤酒：
饮左大约10 Jar，停不了的好味。
德国香肠、薯仔及菜丝沙律：
味道OK，不过不失！
鸡肉串烧：
鸡肉比预期中滑，份量唔细，认真饱肚！
德国咸猪手：
好香，亦算做到水准，但还是觉得 King Ludwig 味道同香脆程度较佳。不过话得说回来，售价平宜1/3分，非常抵食！
德国咸包：
印象中德国咸包应该有著咸香既味道，呢一次食到既竟然全无味道，连一点咸味都无，就当系普通面包吧！
朋友们都系烂玩精，加上本身Natural High 既特质，唔使好耐已认识左隔离既老外们，仲有一位黎自芝加哥既 Halloween 化装师打成一遍，一齐食、一齐饮、一齐为赛事欢呼打气，相信我地系当晚最触目既一群，引来旁人艳羡既目光，嘻嘻！
反观整晚都无参与过大会安排既游戏，好大可能基于楼层阻隔关系，好难产生互动。无论点都好，德国啤酒节又提供一个好好既机会比繁忙既都市人放松同减压，而快活谷应该系收费最廉宜且能与马同庆既啤酒节，有兴趣朋友下星期三系今年快活谷啤酒节举行既最后一晚，不坊一试！
张贴
