影片
更多
2024-11-30
411 浏览
又到月尾，朋友约食饭，想食经济实惠嘅居酒屋，不期然谂起佢。秋冬季又系锅物出场时间，两个锅锅价钱吸引，下次天气冻D可以叫。呢度嘅蟹籽沙律 ($60/细)可算系名物，份量超大，用黎打咭无难度。大量爽口青瓜丝，加上生菜丝，蟹籽及蟹柳，侧边唧上沙律酱围边。入口有清爽感觉，蟹籽系口中嘅爆脆感，就系要呢种口感。心血来潮想食土佐豆腐，呢客青唐辛子豆腐唐扬煮 ($55)变做”爱的替身”。汁煮豆腐，酱汁味道比较温和D，加埋小青椒及紫菜碎，好易入口。炸物中想食墨鱼咀唐扬 ($60)，送上沙律酱伴食。一啖一旧趁热食，带点嚼口，佐酒/冻饮岩晒。友人就点咗大盛鱼生丼 ($198)，摆盘吸引。刺身类包括三文鱼，吞拿鱼，八爪鱼，带子，牡丹虾，三文鱼子及海胆。除咗八爪鱼，其余都系厚切，全部食材差唔多舖满遮住咗下面个饭。见到三文鱼子及海胆，忍唔住黎个自制鲜上加鲜”丼”，”哦意丝……..”呢客大虾野菜天妇罗 ($78)，有3只虾再拼茄子，蕃薯，南瓜，青椒仔等，超抵食。炸浆唔厚，唔会食到一口粉都未食到食材，虾肉几弹牙。有天妇罗，最好就梗系要埋稻庭乌冬 ($62)，一热一冻，滑嘟嘟口感，自制黄金组合。食紧之际，侍应送上呢客麻
秋冬季又系锅物出场时间，两个锅锅价钱吸引，下次天气冻D可以叫。
呢度嘅蟹籽沙律 ($60/细)可算系名物，份量超大，用黎打咭无难度。
大量爽口青瓜丝，加上生菜丝，蟹籽及蟹柳，侧边唧上沙律酱围边。
入口有清爽感觉，蟹籽系口中嘅爆脆感，就系要呢种口感。心血来潮想食土佐豆腐，呢客青唐辛子豆腐唐扬煮 ($55)变做”爱的替身”。
汁煮豆腐，酱汁味道比较温和D，加埋小青椒及紫菜碎，好易入口。
炸物中想食墨鱼咀唐扬 ($60)，送上沙律酱伴食。一啖一旧趁热食，带点嚼口，佐酒/冻饮岩晒。
友人就点咗大盛鱼生丼 ($198)，摆盘吸引。刺身类包括三文鱼，吞拿鱼，八爪鱼，带子，牡丹虾，三文鱼子及海胆。除咗八爪鱼，其余都系厚切，全部食材差唔多舖满遮住咗下面个饭。
见到三文鱼子及海胆，忍唔住黎个自制鲜上加鲜”丼”，”哦意丝……..”
呢客大虾野菜天妇罗 ($78)，有3只虾再拼茄子，蕃薯，南瓜，青椒仔等，超抵食。
炸浆唔厚，唔会食到一口粉都未食到食材，虾肉几弹牙。
有天妇罗，最好就梗系要埋稻庭乌冬 ($62)，一热一冻，滑嘟嘟口感，自制黄金组合。
食紧之际，侍应送上呢客麻辣风吉列大鸡扒配他他酱 ($88)，被佢嘅”体型”吓一吓。无谂过唔驶一百蚊就有咁大块鸡扒。
坦白讲唔太食到麻辣味，当佢系一块吉列鸡扒点他他酱就绝对好OK，热辣辣入口超脆，鸡肉仲带肉汁，好邪恶呀…………………
自从食过烧花鱼后，若果有机会遇到都会叫。呢客风味花鱼烧 ($108)，咁大条原条烧都系呢口价。
加白萝卜蓉落去个汁到一齐食，鱼皮少少脆，肉带少少细骨，就咁单食都好好味。
上菜速度几快，无限你用餐时间，可以分几轮叫，慢慢享受美食。
张贴
