家居坊 (已結業)

每次行行人天桥都会望见依间嘢，所以终于有一次约一个同事食饭时就拣咗依度，贪佢够近。或者我应该嚟依度睇食评先去，事关去食晏真系唔系好得。佢哋人流太多侍应太少，根本就做唔到嘢。食物方面都系好一般，我叫嘅海南鸡饭完全唔似，更加唔值依个价；同事叫嘅面都系一般货色，而且等咗半个钟先嚟到。虽然佢哋装修算企理，但系摆位太过窄，一有人喺埋便要出入，全行人都要起身让佢过，加上仲要系上楼，我觉得佢哋嘅走火安全好有问题。其实佢哋系有改善嘅空间，但我谂咗好耐最后都系觉得应该俾个喊样佢以示警告。