Marina

营业中

休息中

拜访Marina当日嘅人流唔多，可能因为附近冇乜商场行。其实餐厅环境几好，装修好新净，侍应亦几有礼貌，坐落几舒服，最重要系啲食物几有惊喜。Sicilian Marinara 西西里海港薄饼饼底香脆，冇乜overcooked，饼面有层芝士，味道几香浓，上面舖左唔少种类嘅海鲜碎粒，仲有香料带少少辣味，令成个薄饼嘅味道除左芝士嘅奶香，海鲜嘅鲜味美，仲有多一层刺激嘅滋味。Liquor clams 白酒煮蚬用料相当有诚实，大蚬多数都好肥美，食得出大蚬唔系低档货色，本身就好鲜甜，煮出嚟仍然保留到大蚬本身嘅嫩滑，而洋葱连白酒煮出嚟嘅汁都好适合点蒜蓉包食。其实menu几丰富，有唔少海鲜，pasta，pizza嘅选择，两个人嘅战争力麻麻，依今次嘅体验，呢间餐厅值得下次再嚟试下其他美食。