雲南過橋米線

营业中

休息中

一踏入门口，姐姐就叫住我问几多位，好幸运刚好还有一个位置，坐低睇餐牌大约半分钟，姐姐就行埋黎问食咩。有啲啲紧张，因为其实我又未睇得晒就唔敢唔叫，其实姐姐唔系好恶，但系逢亲喺啲旧式小店都会遇到类似情况，姐姐们当食客们都系街坊熟客，有啲霸气又有啲亲切，哈哈。如是者我叫咗一个碗鲜虾浓汤薯粉+鱼肉春卷+腩肉，碗粉一黎到，汤系闻到香香既虾味，但系食落就系浓浓有点儿偏咸，鱼肉春卷系实的的既质感，呢个腩肉反而似叉烧既感觉，个人认为腩肉要有啲脂肪𠮶种，纯个人口味唔太喜欢。整体黎讲六十几蚊食碗粉加杯冻饮，唔贵亦唔算平，味道都算中规中矩，保留咗啲旧式小店感觉加咗少少分，毕竟而家周围都好似得返啲连锁或者来自唔到地方既过江龙，有时都想傻瓜瓜地回味一下旧区人情味道。