百份百餐廳 (元州街) (已結業)

呢日系长沙湾返完教会崇拜，又到左最烦恼嘅时候，就系谂食咩啦呢个真系全世界最难嘅问题！依家长沙湾开左好多间新野食，对于一个有选择困难症又唔太敢试新野嘅人黎讲真系好头痛而今次我就同朋友乱点鸳鸯咁求其拣左呢间，见佢就脚，价钱都唔算太贵。依家真心系边度食个lunch 都驶唔少钱。我同朋友好快就拣咗呢两个菜：红白鸳鸯焗炒饭同埋咖哩吉列鱼柳配藜麦饭，有鱼柳又有鸳鸯扒，share食黎咁丰富岩晒。唔系乱点鸳鸯嘅鸳鸯焗炒饭哈哈～呢个红白鸳鸯焗炒饭质素都算唔错，鸡扒猪扒两个扒都几大块，肉质唔会太un，大件夹抵食～蕃茄酱唔太酸，调味适中。有得配炒饭底，唔错。系一哥焗猪以外另一个选择哈哈咖哩吉列鱼柳系朋友话想试下嘅。鱼柳有两块，size都唔算太细，外脆内软，几松化薯仔都算够腍，不过作为资深薯仔fans，觉得薯仔嘅数量实在太少，应该要多返DD薯仔可谓咖喱嘅精粹黎加嘛！整体黎讲虽然唔算好特别，但普普通通食个饭都算唔错嘅～见openrice 有D人推荐海南鸡饭，睇下下次有冇机会去试下～