李家 (已結業)

其实系见佢尖沙咀分店喺 Openrice 有过百个『舐舐脷』，所以拣咗佢嚟试下。店舖以粉蓝色同木纹色装修，座位阔落而且唔会好嘈吵，同朋友静静地吹下水最适合不过。好多人食过个芝士鸡蛋卷，于是我哋又跟风。红色番茄汁配黄色芥末汁颜色够晒抢眼，切开中间系芝士流心添架，WOW~另外仲有炸鸡同海鲜焗饭。焗饭比较普通，都系主打嘅韩式菜式正啲。嘢饮叫咗红 (Raspberry)、黄 (Pineapple)、蓝 (Blueberry) 三色。红色同蓝色都几重药水味，所以影完相都无饮晒。