品香樓中西風味餐廳

营业中

休息中

我其实唔系poly人，但之前朋友带我黎我先识黎～ 叫𩠌食饭黎讲唔算劲平，但都OK，又好食。如果食完个胃仲有位的朋友，仲可以去埋出面食炭烧鸡蛋仔。讲返正题先，果日我地叫左黑松露瑶柱蛋白炒饭、风沙鸡、赛螃蟹、虾籽豆腐锅、金银蛋浸小白菜。同埋叫左两杯冻朱古力（其实我都唔知点解，但我朋友话黎呢度一定要饮，其实系浓既但又无咩特别）叫呢几个菜都系出名既，风沙鸡一般，瑶柱蛋白炒饭好食，唔系太咸又唔干。赛螃蟹都好食，但系一定要𩠌饭，我地叫得太多𩠌唔够饭XD。金银蛋浸白菜都好食，超钟意食。豆腐锅劲多蟹粉/虾籽（唔记得啦）但都系果句，就咁食咸左少少，要𩠌饭。总结而言叫左既都好食，而且份量好多。我地3个男仔1个女仔食得超饱，环境一般。我地坐到最入，未系好多人既时候系无问题，但一多人就劲大油烟，佢得冷气又无抽气扇。所以食完就急急脚走左，顺便食太饱要散步。聚会如果你想食完饭仲可以坐耐D倾下计既就未必太适合。