皇室盛宴 (已結業)

大学毕业已经4年，每年都会同班旧同学一年一聚食饭，交代下近况。搞手Mayling 今次订左呢间系中环既楼上私房菜试下新野，我地去之前都有上openrice 做下research，呢间私房菜既菜式都几精致，大家都满怀期待食餐好既。入到去餐厅环境较暗，台数唔多，只有一台情侣同我地六位。叫左Supreme set有7道菜，course by course咁上菜，每个course等候既时间适中，唔会等得太耐又唔会太急，serve客位靓仔哥哥好细心咁简介每道菜，不过有点怕羞。整份supreme set份量方面ok，但对大食的人黎讲可能未必够饱。每道菜都有咁下下质素，属于中上级别，鹅肝沙律唔错，煎得几好，沙律菜好食。鱼子酱蒸蛋够别致，sell卖相。Main Course 我拣左猪扒，厚厚既猪扒，煎到外脆内软，刚好能锁住肉汁。最后甜品个chocolate brownie好好食，暖暖地入口即溶，马卡龙有得比你选味道 (柠檬、焦糖、绿菜、raseberry、朱古力等)。值得一提系餐厅既细心，会问你系咪庆祝特别日子，所以系甜品上写字之余仲点埋烟花蜡烛，蛮满足的。