太子餐廳

营业中

休息中

同邻居出太子剧扒，点知坏冷气，咁就即刻转场地。另一个邻居话有间去食开，咁就去试吓。呢间成日去花墟都会经过，但系一个人就真系冇谂过嚟食。邻居强烈建议饮洋葱汤，咁我就嗌咗一个，不过就贪心啲加咗块酥皮。跟住见到邻居个洋葱汤好似水咁，同我期望有少少分别。因为我加咗酥皮，就要等耐少少先至嚟。个酥皮做得几好够薄脆，块皮唔会太厚，唔会食到太饱。不过个洋葱汤就清咗少少。我就唔知想食咩好，所以就嗌咗个杂扒餐样样试d。样样都薄薄地，煎得几脆口。至少唔系嗱得好劲个啲old school牛月猪。最后个芒果布甸，食落去好有细个自己开粉整布甸嘅感觉，而是回忆全部返晒嚟，个黑啡啡底都做得几好唔太苦，亦都唔酸。可以值得一试。