影片
更多
2008-11-07
6 浏览
** 此 食 肆 的 第 八 个 笑 **寻晚(6-11-2008 Thur)放o左工去医院睇妈妈后,汇合男友o黎呢间食晚饭.约8:00pm到o黎,有三枱客,我o地又坐返上次我同女友人EL o黎o个张枱,同样对住o个个型资深师傅,不过后生靓仔资历应该低小小o既师傅仔就o系另一边铁板.我o地睇睇menu,同男友拣o左两个几乎同上次一模一样o既一人套餐,要o左$110.00 o既烧银雪鱼同$135.00o既安格斯牛,拣鸡肉炒乌冬,章鱼烧饼.1. 不久,沙律到o黎,系薯仔沙律吧,雪到好冻.食食吓有件近半透明类似海鲜o既o野,应该系带子刺身,不过冇乜味.2. 之后o黎个安格斯牛,肥o既部份冇今次上次咁多,但细碟o左,同样烧得o岩o岩好,不过唔系o个个型仔师傅整.3. 烧银雪鱼,唔系好大件,同样伴以蕃茄片,青瓜同洋葱,呢个亦系一般啦.4. 面豉汤,今次好似冇o左萝卜,同样味道唔浓.5. 炒什菜味道同上次差唔多啦,不过份量少过上次.6. 鸡肉炒乌冬我觉得鸡肉太入味,咸o左.7. 章鱼烧饼呢碟系唯一一样由型仔师傅主理o既,今次唔知点解个饼底硬o左,但又冇上次咁多粉,o岩o岩好.8. 后加$42.00
寻晚(6-11-2008 Thur)放o左工去医院睇妈妈后,汇合男友o黎呢间食晚饭.约8:00pm到o黎,有三枱客,我o地又坐返上次我同女友人EL o黎o个张枱,同样对住o个个型资深师傅,不过后生靓仔资历应该低小小o既师傅仔就o系另一边铁板.
我o地睇睇menu,同男友拣o左两个几乎同上次一模一样o既一人套餐,要o左$110.00 o既烧银雪鱼同$135.00o既安格斯牛,拣鸡肉炒乌冬,章鱼烧饼.
1. 不久,沙律到o黎,系薯仔沙律吧,雪到好冻.食食吓有件近半透明类似海鲜o既o野,应该系带子刺身,不过冇乜味.
2. 之后o黎个安格斯牛,肥o既部份冇今次上次咁多,但细碟o左,同样烧得o岩o岩好,不过唔系o个个型仔师傅整.
3. 烧银雪鱼,唔系好大件,同样伴以蕃茄片,青瓜同洋葱,呢个亦系一般啦.
4. 面豉汤,
今次好似冇o左萝卜,同样味道唔浓.
5. 炒什菜
味道同上次差唔多啦,不过份量少过上次.
6. 鸡肉炒乌冬
我觉得鸡肉太入味,咸o左.
7. 章鱼烧饼
呢碟系唯一一样由型仔师傅主理o既,今次唔知点解个饼底硬o左,但又冇上次咁多粉,o岩o岩好.
8. 后加$42.00 o既烧原只帆立贝
见人o地o既大大只,于是都另叫一只,有炒过o既洋葱粒同金菇垫底,裙边都炒粉过畀返你.帆立贝算大只,洋葱粒亦炒得好好味.
最后系甜品,由于上次我食过樱花雪糕,所以今次我食橙冻,一碟三件,味道唔太甜,OK呢.男o既樱花雪糕同上次一样,冇乜问题吖.
今次埋单$316.00,o衣o家至发觉个餐冇饮品,只有绿茶.
又有小插曲:
话说同一张铁板枱,另一边客人要烧三文鱼,唔知系咪条鱼多水,落o左铁板o度,啲油弹o左去个女人o度,见佢好痛,要用冻啤酒樽敷.谂谂吓其实坐呢啲枱都有风险,我都即刻不时留意师傅整o野时,要缩一缩.
上次食评: http://www.openrice.com/restaurant/commentdetail.htm?commentid=1929443
张贴