AJ's 斯里蘭卡餐廳 (已結業)

接近两年没有写食评了，社会在变、人心又变，太多什么食神、厨神、专家、打手、枪手一一涌现，搅到宜家睇完都要谂谂坚定流。轻轻松松食餐饭，见到一个二成晚影相，享受定开工呀！写番几只字，因为感受良多！话说一行人入到西贡准备同d海鲜开波，点知临门一脚突然醒起呢间AJ's，想睇吓佢执咗未。谁知一看便乖乖坐低，两年前都系呢位仁兄招呼我哋...醒神薄脆波萝酱..跟住爆酒...一路点一路食....超疏肝！讲真，食物选择没大改变，质素尚算稳定，要弹衹是头盘青瓜沙律偏酸，要赞便是简单而有超水准之斯里兰卡奄列。其余的String Hopper Kothu、什么Roti薄饼也不错。整体价钱合理，衹是d大酒选择少咗，但酒价无乜点加..抵饮！而最令人有feel的便是周边环境气氛，由路过行人以至伙记，都俾你一种从容不迫、轻松放怀的感觉！呢d天气，一定要砌张枱喺出面...饮酒、吹水、食饭一乐也！