小城鎮 (已結業)

餐厅以火车为主题，布置充满欧陆旧城镇既风味。酥皮海鲜忌廉汤酥皮好香，海鲜汤有虾肉同蚬肉，几值得一试。蟹棒粟米蛋粒沙律配自家制沙律酱沙律比想像中大碟，用料够哂丰富。美国辣肉肠比萨Pizza饼皮偏薄身，上面布满辣肉肠，不过食落又唔算好咸，亦唔太辣，味道调得刚刚好。慢煮羊腿配薯蓉膻味非常浓郁，肉质好软腍入味。薯蓉带有少少膻味之余亦不失果股牛油既香气。另外亦西兰花、蕃茄、洋葱等配料。蓝莓芝士蛋糕芝士蛋糕几松软，唔会太硬，同上面既蓝莓果酱好夹，甜而不腻。朱古力曲奇慕丝蛋糕好香浓既朱古力味，看似细件，但食完一整件都几饱。蜜桃爆珠梳打搅伴后成杯梳打变左橙黄色，唔会太甜，够哂消暑。特浓朱古力上面加左cream，卖相几靓。Cream同朱古力既比例亦好平均，唔会抢左对方既味道。