影片
更多
2016-03-16
171 浏览
今日放工系大角咀果边周围行下，行到咁上下呢间餐厅，之前已经听过唔少同事讲过呢间野话佢由90年代做到而家。跟住我就抱住致敬嘅心态入到店里面，好彩我去嘅时间都比较夜，人唔算太多，唔洗等位就有得食。坐低之后，见到墙上面画左一种薄饼，经询问原来系餐厅一种获奖嘅食物，墙上面画住嘅系佢三种食法。由此可见，餐系几咁重视呢样食物。黑松露薄饼呢个就系餐厅嘅获奖作品，佢有3种唔同嘅食法，第一，直接食用；二，点餐厅提供嘅提子醋一齐；第三，夹埋餐厅用以拌碟嘅青菜一齐食，个人比较喜欢第二种食法，提子醋嘅甜味同黑松露嘅味道出奇地夹，唔会互相掩盖，同时又相得益彰。个批口感又够晒脆，真不愧系得奖菜式。蜜糖焗猪手讲起猪手，大家一定会记得德国烧猪手，但系呢度就话俾我知另一种整法嘅猪手都可以好好食。呢度嘅猪手表皮系软绵绵嘅，而且披住一层蜜糖烧汁，表皮入口完全唔会觉得佢肥腻，因为油脂在餐厅煮嘅过程已经流失了不少，所以上枱嘅猪手唔会太油腻。另外啲肉入口都系好软淋淋，唔会好似平时嘅烧猪手咁有啲硬到咬唔开，开蜜糖汁配意粉，饭或者薯菜都一样出色，因为佢唔会太甜，微微地嘅甜味更好嘅为其他食材吊味。。。心太软食左咁多野，紧系要番个甜品爽
今日放工系大角咀果边周围行下，行到咁上下呢间餐厅，之前已经听过唔少同事讲过呢间野话佢由90年代做到而家。跟住我就抱住致敬嘅心态入到店里面，好彩我去嘅时间都比较夜，人唔算太多，唔洗等位就有得食。
坐低之后，见到墙上面画左一种薄饼，经询问原来系餐厅一种获奖嘅食物，墙上面画住嘅系佢三种食法。由此可见，餐系几咁重视呢样食物。
黑松露薄饼呢个就系餐厅嘅获奖作品，佢有3种唔同嘅食法，第一，直接食用；二，点餐厅提供嘅提子醋一齐；第三，夹埋餐厅用以拌碟嘅青菜一齐食，个人比较喜欢第二种食法，提子醋嘅甜味同黑松露嘅味道出奇地夹，唔会互相掩盖，同时又相得益彰。个批口感又够晒脆，真不愧系得奖菜式。
蜜糖焗猪手讲起猪手，大家一定会记得德国烧猪手，但系呢度就话俾我知另一种整法嘅猪手都可以好好食。呢度嘅猪手表皮系软绵绵嘅，而且披住一层蜜糖烧汁，表皮入口完全唔会觉得佢肥腻，因为油脂在餐厅煮嘅过程已经流失了不少，所以上枱嘅猪手唔会太油腻。另外啲肉入口都系好软淋淋，唔会好似平时嘅烧猪手咁有啲硬到咬唔开，开蜜糖汁配意粉，饭或者薯菜都一样出色，因为佢唔会太甜，微微地嘅甜味更好嘅为其他食材吊味。。。
心太软食左咁多野，紧系要番个甜品爽下喇。作为朱古力嘅粉丝当然要食个心太软，而且呢度呢个真系心太软黎架，因为佢真系识流架，而且朱古力嘅浓度岩岩好唔会太苦又唔会太甜，真系令人心满意足呀。
作为一间老店，真系令人有惊喜嘅感觉，因为佢会适时更新菜式，为客人带黎惊喜，有机会要再黎先得。
张贴
