粉果佬

营业中

休息中

用餐时间（6:11pm snack）以前广福邨广惠楼对出冬菇亭车仔档，老板系鹤佬人。喺旧档，老板喺后面包烧卖，老婆帮手卖，同街坊有倾有讲，乐也融融。🥰之后无做，过几年喺街市开咗间舖，最后喺大埔中心昌运卖。一粒烧卖，由车仔档做到开铺，真系唔容易。仲记得以前老板同我讲话烧卖用鲨鱼肉、大地鱼、肥猪肉、冬菜等自己用手打成，配埋豉油同辣油🌶️， 十分滋味。（果阵仲话教我点整👨🏻‍🍳😂）但好可惜今次再食，觉得粒烧卖好硬好实，似乎落多咗粉，食两粒已经觉得好滞。只味其实都差唔多，只系咸咗少少。至于粉果🥟由旧舖开始我一直都唔太钟意，皮比较厚，馅系足料嘅，只系个人口钟意佢个烧卖多啲。每次我带个盒去装，佢都会送多粒鱼蛋/ 烧卖，呢啲咪叫人情味啰。