君頤上海小廚

营业中

休息中

同家人食lunch，简简单单唔想去太远，呢到都系一个选择。Lunch 唔食得太丰富，我哋都系一人一个面，再嗌咗个小食。叫咗个「醉猪手」，不错的，无论个味道，同埋猪手都做得好腍，好入味。至于面我就比较欣赏佢哋嘅传统上海汤粗面，而家唔系好多上海舖仲有得食。汤浓，仲有好多椰菜，椰菜够腍够入味。至于服务方面，唔可以叫做唔好，但系全部嘅服务员都系冇表情嘅，明白我唔系去啲好高档嘅餐厅，我亦都唔系要一啲好殷勤五星级嘅服务，不过由头到尾你都唔会听到一句「你好，欢迎光临，有啲咩我可以帮到你，甚至乎多谢都冇听过」，我形容系一间好冇温度嘅餐厅。