地道館麵軒

营业中

休息中

一间好贴地嘅小店，绝对冇咩环境可言，一眼望哂成个铺位，仲可以睇埋厨房位置，都系似做街坊生意。另外一提有隐藏餐牌，因为眼见好多人食嘅野都唔系餐牌有提供，应该要专登问佢。🍜酸辣米线★★★☆☆叫左小辣，汤底几油，啲油系哂碗野面头，影完相佢都好似有啲琼琼地。虽然落好深色水又多红油，但食落唔系好辣，但汤底系真重口味，偏咸同酸。碗面有埋芽菜、肉碎，米线偏向幼身溜，有啲似面线咁，同埋都几吸汤底入味，就咁夹一住米线食都够味道。𩠌方面叫左猪红同猪肠，猪红口感唔错滑爽，但太咸，猪肠都唔错，冇怪味之类。但成个面份量都比较少，女仔食完都冇话饱嘅感觉，同埋都几口渴，绝对有味精。🍜清汤米线★★★☆☆虽然清汤，但个汤底颜色好都深下，连米线都可以变埋啡啡地色，好吸汤底。汤底食落系咸咸地，似系酱油汁。𩠌方面叫左萝卜、猪皮、鱼皮饺，鱼皮饺冇咩特别同街市一盒个啲，但少左啲得2粒，萝卜够淋同清甜，猪皮个口感有啲同平时食开嘅唔同，唔算系爽口，但似烟韧，同埋食落系辣既。🌟总括：试过便好，此终个汤底太重口味，未必个个人受得住，加上葵广大把唔同铺头小食，未必要简佢黎食。