金鳳大餐廳 (山林道)

营业中

休息中

今日提早收工可以同老公去尖沙咀行，行行下就去左佐敦附近，见到金凤都好耐冇食，天气又有啲凉，不如去食个热辣辣嘅铁板啦。入到餐厅见到依嫁主打推介紧四款美国牛扒餐，我就点左个美国牛小排餐试试。老公就点左之前食过嘅牛柳餐。金凤灵魂一定系加蒜蓉!!!点完餐无耐店员就先上左两碗热辣辣既红白汤同餐包，上菜好快手。美国牛小排份量都几多，牛味比较重，完全冇筋位，叫5成熟就刚刚好，食既时候记得要加埋啲蒜蓉劲香，一咬落去肉汁保存到又完全唔会靭。牛柳餐就一如既往保持到水准。牛味虽然冇美国牛小排咁重，但胜在肉质鲜嫩食落冇筋，而且呢个份量绝对对得住个价钱，真心平靓正。去得旧式扒房，饮品方面加钱都要叫红豆冰啦。佢嘅红豆冰唔算太甜，仲要粒粒红豆推介大家去试吓。