碗屋 (已結業)

如果平日lunch去食记得记得要订位呀！𠮶次同朋友无订位，去到眼见唔系好多人等紧，但好多人订左枱，所以我地等左成30分钟左右先有得食。呢度系有啲历史嘅日本餐厅，所以环境唔算太好，装修亦都系比较旧式，而且餐厅以深色为主，整间舖头会有啲暗沉嘅感觉。不过去食野都系以食物为主，如果唔好食环境几好都唔会想再返去。呢度个 lunch set 几抵食，不过有寿司嘅就会贵啲，差唔多$200一个 set。仲有刺身set可以拣，如果女仔唔想食咁饱嘅话可以拣，同寿司set价钱差唔多架咋。啲野都几大份，食完八件寿司嘅饭量再食个乌冬会棒住个肚。啲海鲜够新鲜，啲饭唔会好大旧，不过都唔少。啲寿司拼得几好，唔会全部都系鱼，几平均，可以食下鱼类同虾壳类。乌东啲牛有阵骚味，但又唔可以话唔好食嘅。牛味都好香，但骚左啲。乌冬都唔少，而且都有好多伴菜。最后再黎个炸蕃薯，小编真系食唔哂喇 同埋都炸得几油，又唔系特别钟意食蕃薯，所以小编食左少少就冇食到。