海灣海鮮酒家

营业中

休息中

好耐无食海鲜餐喇，大家都喜欢食海鲜，近近地睇下流浮山有咩饭店好食，上网揾到之前蔡澜专栏介绍呢间海鲜饭店，仲话帮衬左几十年，应该都有信心保证挂因为近父亲节前后，多人订枱，要分两轮，我地拣左第2轮，谂住食得无咁赶。一嚟到老细就安排左个姐姐带我地去拣海鲜，哗🤩🤩啲海鲜好靓又生猛，仲要最紧要唔贵啰！我地拣左大红鬼（海虾的一种，好大只，长过手掌）、龙趸、奄仔蟹、鲍鱼、濑尿虾，仲叫左几个小菜同出名嘅鸡翼同埋虾膏炒饭（有啲小菜唔记得影相🤣🤣），饱到上心口，又劲满足😛😛，海鲜好靓，师傅功架非常好，海鲜煮得好好食好弹牙好有鲜味，火候又够，仲要抵赞系佢会逐碟跟次序上菜，唔会一次过上，搅到啲菜冻晒，慢慢倾住偈一路食都得！6个人每人都系$500，海鲜连加工费，几个𩠌，好过去西贡鲤鱼门果啲又贵又唔抵食😅。